Tur anja bek di nobo ami tin ku observa kon hende no ta komprende of no kier komprende ku festeja e fiesta di Sanikolas den kompania di su Pietnan pretu tin un peliger sikologiko tantu pa e mucha chikitu blanku komo esun pretu. Esaki POR manifesta den tur dos su vishon kon nan ta mira i trata e diferente rasanan riba e planeta aki mientras nan ta krese. For di mi adolesensia ku mas o menos 20 anja of promer mi a kuminsa observa e malu ku e festehamentu di e dia aki den e luna di dezember ta trese kun'e/ Esey ta 50 anja pasa. Entretantu medio siglo a pasa mientras otronan ainda no por mira e peliger i kon e fiesta aki entre otro ta aktiva i promove sentimentunan di deskriminashon serka tantu rasa blanku komo es rasanan di kolo, kendenan ta pensa ku nan no tin nada di hasi ku e rasa pretu ya ku nan kolor di kueru ta mas kla. Un tristesa promove pa hendenan ku no kier tuma tempu pa pensa riba e problema aki. Mi ta sigur ku e polisnan aki a "husa forsa eksesivo" palabra ku kwal kier limpia e akto ku por ser katalogisa sin mas komo "brutalidat animalistiko institushonalisa" sali for di un reakshon di e alma ku den su juventud a ser kontamina ku kreenshanan di ta pertenese na un rasa superior, e rasa germano/ariana. Trata di argumenta kontra esaki ta ponebu den e mes un huki ku e polisnan fasista aki. Aktonan asina aki mester pone e homber di e rasa pretu komprende ku e ta bibando den un kumunidat kaminda di repente e virus maligno i kausante di hopi tristesa, dolo i yanto, latentemente drumi den e alma di e bataviernan aki a desperta, mientras e malesa aki ta ser tene na bida dor di un "verrechtsing" kasi kompletu di e sosiedat Hulandes ku ta kuna di tur lokwal e planeta aki a konose i a sinti na genosidio i ultraje di e sobra habitantenan di e planeta aki. Mi no por lubida kon Jan Peter Balkenende komo Promer Ministro Hulandes a pidi e nashon pa bolbe renanse nan VOC-mentaliteit. E partido Hulandes PVV ta e nasementu di e odio ku e Hulandes na gran mayoria ta profesa den pasado i awor den presente pa ku gruponan etniko minoritorio den nan sosiedat. Mi ta spera ku nos hendenan na kas kuminsa prepara na Korsou pa den un futuro serkano risibi yu di Korsou na kas bek kaminda tambe mi ta spera ku felismente e fiesta aki lo a pasa pa pasado.

Mi ta di acuerdo ku zwarte piet ta representa racismo. Preto ta e malo y blanco ta e personaje bon. Ta tempo pa caba cu e distinccion aki. Ta foi hopi tempo ami mes a pensa riba e tema aki. E ta mustra pret pa nos muchanan inocente pero e ta un danjo sigur sigur. E sorto di cos nan aki no tin espacio mas den e mundo di awendia.

Hopi eksito den boso lucha ku e tema aki.

Tico Suarez
P O Box 863212
Ridgewood N Y 11386