Ta eksistí diferensha grandi entre makiahe di kutis di koló i di esun blanku. Esaki ta algo ku e damanan oochi Germaine i Corinne Hernandez sa mió ku kualke otro hende.

Dies aña pasá e señoranan akí a lansa e marka di kosmétika Nubian Queen. Kosmétika spesial pa kutis koló skur. E kos akí a resultá algo úniko i alabes un éksito riba merkado ulandes. Aparte di make-up, e liña di produkto di Nubian Queen ta duna atenshon tambe na 'kutis problemátiko', ku ta pidi un trato kosmétiko diferente pa motibu di su struktura, segun hermanas Hernandez.

Aimee Noten, estetisista i spesialista di beyesa di Nubian Queen a duna un demonstrashon spesial pa Wereldomroep, den kua e ta splika ku luho di detaye kon ta makiyá kutis di koló (skur) pa realsá su beyesa natural.