Diskriminashon riba merkado laboral ta kos ku ta tumando lugá desenas di aña kaba na Hulanda. Investigashon ta demostrá ku 75 porshento di agensia di trabou ta kolaborá ku dunadó di trabou ku no ke tuma alóktono òf strañero den servisio.

E problema pa e víktimanan ta ku semper diskriminashon ta difísil di komprobá. Hende koló skur ku ta papia hulandes bon ta konta ku tin be, ora nan yama na telefòn pa reakshoná riba un vakatura, nan ta haña tende ku nan por pasa anto ora nan presentá, ta resultá ku 'tin un ekibokashon' sòmwèr.

Otronan ta akudí regularmente n'e agensia di empleo temporal, ma nunka nan no ta tende nada nobo unabes nan yega einan. "Pero ya, ta pa motibu di mi koló antó?" nan ta puntra nan mes.

Patrick Dorder a bishitá algun agensia di trabou, pa wak si esnan ku ta buska un djòp no ta pèrdiendo ánimo kaba.