Nos hende grandinan na Hulanda tin bia tin nesesidat di topa otro, ounke esaki no ta tur ora posibel. Na Amsterdam grupo di dama Amistat ta proveé den e nesesidat akí. E amiganan di amistat ta reuní pa 17 aña kaba riba djaluna.

Delaster tempu nan ta reuní den e sala dje kompleho di bibienda pa hende grandi antiano Nos Perla. Huntu nan ta hasi diferente aktividat, manera di obra di man, nan ta haña splikashon di tópikonan ku ta interesá hende grandi i tambe nan ta sali huntu. Resientemente e damanan di Amistat a bin huntu pa nan selebrashon di Fin di Aña.