Caro Emerald tabatin un éksito nunka bisto na Hulanda último aña pero e kantante no a lubidá ku su roots ta na Sürnam i na Aruba. 'Kómpolaga ku mi ke kanta ayá', segun Emerald. 

Su disko kompakto Deleted scenes from the cutting room floor ta un di e álbumnan debutante mió bendí na Oropa. Pa e echo akí el a risibí e prestigioso EBBA (European Border Breaker Awards) djárason, 12 di yanüari na Eurosonic-Noorderslag festival na Groningen. 

Pa Emerald e presentashon korespondiente ta djis un intermedio, ya ku próksimo lunanan e ke laga Oropa sera konosí kune. No ku un single nobo so, sino ku presentashonnan bibu tambe. Dia 13 di febrüari por ehèmpel lo e kanta den Jazz Cafe na Londres. 

Asina ta ku Sürnam i Aruba mester tin un tiki pasenshi ainda, apesar ku kada bishita na su wela ta pone e kantante kòrda riba su roots.