Den Aworaki di 28 di aprel: Kondekorashon pa Roos Leerdam

Djasabra awor, 30 di aprel ta Dia di Lareina. Roos Leerdam, esposa di polítiko i èks direktor di teater John Leerdam, sa kaba ku lo e risibí un kondekorashon di Reina Beatrix, un 'lintje', manera sa bisa na Hulanda. Ta festeh'é pa su servisio inkansabel pa komunidat di nos hendenan na Hulanda. Nos di Aworaki a bishitá señora Leerdam pa será bo konosí kune.

Manera kustumber nos ta ofresé bo tambe e Boletin di notisia internashonal i Resúmen di korant hulandes.

Aworaki ta un programa informativo na papiamentu ku Wereldomroep ta transmití pa Antia, Aruba i komunidat karibense na Hulanda. Di djaluna te ku djabièrnè por skuch'é tambe na nos emisoranan sosio, via satélite i riba e wèpsait akí di 13:00 pa 13:20 UTC (07:00-07:20 or na Antia/Aruba).

(Ojo: kontenido di e programa por kambia)