Via di radio, televishon i internet emisora Radio Nederland Wereldomroep ta ofresé notisia, informashon, i kultura na miónes di hende rònt mundu. Esaki nos ta hasi di un ángulo hulandes-oropeo, na dies diferente idioma.

Mishon di e Radio Nederland Wereldomroep ta:

"Prinsipalmente pa ofresé ayudo na un mundu ku ta mas mihó informá pa medio di un kombinashon di periodismo independiente i ayudo di servisio. Esaki prinsipalmente na servisio i na nòmber di Ulanda.

E metanan di Radio Nederland Wereldomroep ta:

• Pa ofresé informashon independiente den paisnan ku un atraso di informashon.
• Pa mustra un imágen real di Ulanda den eksterior.
• Pa informá desendientenan hulandes  situá den eksterior
   

Ku un eskala grandi di idioma esta na hulandes, ingles, spañó, portugues, franses, árabe, chines, indones, papiamentu i sarnami, Radio Nederland Wereldomroep ta ofresé un toke èkstra na e metanan aki. Radio Nederland Wereldomroep ta tene kuenta ku e diferente nesesidatnan di informashon di e vários gruponan konserní. Radio Nederland Wereldomroep e ora ei ta adaptá e demanda na e situashon di emisoranan lokal den e diferente regionnan.

E sentro di edukashon internashonal Radio Nederland Training Centre (RNTC), ku ta konektá ku e emisora mundial, ta ofresé entrenamentu, informashon di farándula- i aviso di komunikashon pa organisashon di partner den paisnan den desaroyo.