WILLEMSTAD – Un gran kantidat di trahadó di Wardakosta ku ta liá na sindikato Abvo ta wèlga for di djaluna.

Segun Asmara Thodé di e sindikato, e trahadónan ta malkontentu ku e manera ku Wardakosta ta trata kòntrakt di labor. Standart ta ofresé kòntrakt di sinku aña ku opshon pa prolongá.

“Hopi hòmber tin ocho òf nuebe aña den servisio kaba, pero nan trabou ta keda a base di kòntrakt”, segun Thodé. “Ta te ora ku e insiguridatnan aki kaba e trahadónan di Wardakosta lo kuminsá traha atrobe.”