AMSTERDAM – Vurnon Anita, futbolista seka Ajax, ke keda hunga pa e klup di Amsterdam. E mediokampista ta kontroladó den e ekipo di trainer Frank de Boer i tin algun aña mas di bai den su kòntrakt.

Anita di 23 aña a nase na Kòrsou i lo hunga na Amsterdam te 2014. Si ta na Anita, esaki por bira algun aña mas, pero Ajax no a bisa nada ainda. Esaki sí ta e kaso seka Toby Alderweireld ku tambe tin un kòntrakt te medio 2014.

Den e diario hulandes De Telegraaf Anita ta bisa ku e no ta mashá prekupá.”Mi ta wak solamente mi mes, mi ta pará habrí pa prolongashon di mi kòntrakt i lo mi tende kiko Ajax ke ofresé mi. E inisiativo mester bini di e klup, pasobra ami ta warda trankilamente.