WILLEMSTAD -  Representashon di Hulanda (VNO) a logra pa na 2011, ku 57 proyekto for di e Fondo di Proyekto Chikí (KPF), duna un kontribushon na komunidat arubano, spesialmente den área sosial.

Asina por ehèmpel Stichting Thuiszorg Aruba por a kumpra regalo di Pasku pa su klientenan. Un otro ehèmpel ta ku por a duna un kurso pa adikto via e fundashon Adopt an Addict.

Hopi proyekto pa hubentut a haña donashon. Por a drecha dak di Grupo Scout Casibari i ku kontribushon di e fondo por a selebra dia di derecho di mucha den Centro di Bario Playa Pabao. Na 2012 KPF ta para kla atrobe pa sostené inisiativa sosial. Tur hende ta liber pa hasi un petishon. E representashon ta keda na L.G. Smith Boulevard 44 na Oranjestad.