Eksploshon di e virùs Noro na bordo di e barku krusero Crown Princess a perhudiká empresarionan na Kòrsou tambe. E barku lo a yega Megapier na Otrobanda djamars 7 di febrüari, pero a keda sin bini pa motibu di peliger di infekshon.

A pone e barku dos dia den karentena pa desinfektá. Un total di 3000 pasahero lo a bini Kòrsou. Ta kalkulá ku nan lo a gasta sigur 100 mil florin.

Algun dia pasa e virùs Noro a eksplotá riba e barku i pega gran parti di esnan na bordo. E virùs ta kousa diarea, sakamentu i ta kontagioso via kontakto. E ta dura 3 te 4 dia pa kura.