Meester Pieter van Vollenhoven ta lamentá ku Wereldomroep mester para transmishon pa islanan hulandes den Karibe. E ta yama e medida un ‘kibukashon istóriko'. “Ta di importansha esenshal pa Wereldomroep keda ayá'', asina el a bisa.

Despues di djaweps, 27 di sèptèmber 2012 Wereldomroep ta para su programashon destiná pa Sürnam i èks Antia, despues di a hasi esaki 65 aña largu. Pa motibu di ekonomisashon e emisora lo no transmití einan mas.

Komo presidente di e komité Relashonnan di Reino, Van Vollenhoven a bati alarma prinsipio dje aña akí serka vários ministerio, relashoná ku desaparishon dje emisora den Karibe, “ma e lucha no tabata kos ku por a gana”, asina el a bisa.