WILLEMSTAD – Kòrsou ta bai bon pa loke ta turismo. Ofisina di turismo di Kòrsou CTB a laga sa ku aña pasá turismo di estadia na Kòrsou a subi ku 14 porshento.

Na 2011 Kórsou a risibí 390.297 turista. E oumento ta trata di turista di Estádos Unídos (28 porshento) i Venezuela (38 porshento). E kantidat di turista hulandes ku aña pasá a bishitá Kòrsou a subi marginalmente ku un porshento.

No opstante e oumento di turista for di Estádos Unídos i Venezuela, Hulanda ta keda number un. Aña pasa tabatin 141.133 turista hulandes. Ofisina di Turismo ta indiká ku estadia di turista hulandes ta trese Kòrsou un suma di 152.6 mion florin.