WILLEMSTAD – Por lo pronto TeleCuraçao no tin intenshon di transmití e òptògtnan di karnaval di e aña aki. Promé e kompania di televishon mester yega na un akuerdo ku asosiashon di gruponan di karnaval AGKK tokante derechonan di transmishon. E gruponan ke pa TeleCuraçao paga derecho di potrèt.

Djadumingu anochi TeleCuraçao a bisa den nan notisiero ku nan no a transmití Parada di Kabai bibu i direkto i ku nan no a filma tampoko pasobra ainda no tin un akuerdo ku AGKK. Siman pasá AGKK a pidi e emisora den un karta pa tene kuenta ku derecho di potrèt. Si filma òf saka potrèt di persona, esakinan tin derecho di resistí publikashon di nan imagen.

E emisora di televishon tabatin derecho eksklusivo di transmishon di Festival di Tumba. Tur aña tambe nan ta presentá tur marcha di karnaval na televishon, pero e aña aki e gruponan ke mira plaka. TeleCuraçao a hasi hopi propaganda entre otro na Hulanda pa haña kliente ku ta paga pa mira nan transmishonnan di karnaval.