WILLEMSTAD – Desena di trahadó ku kòntrakt di Isla djamars 24 di yanüari tambe a protestá na entrada di Post 5. Nan ke keda pone preshon riba gobièrnu i refineria pa yega na miho kondishon di trabou pa obrero lokal. Ku esaki e trahadónan no ta hasi kaso di e konseho di nan sindikato pa bai traha atrobe.

Bònt SGTK ta konsehá bai traha, pasobra awó kontratista, Isla i gobièrnu ta studiando un proposishon dje sindikato. SGTK ta duna e otro partidonan te djarason pa firma un proposishon. Ta trata di un protokòl pa tuma kontratista i trahadó strañero den servisio.

“Si e tempu pa deliberá pasa sin un akuerdo sali, e protesta lo eskalá”, presidente Alcides Cova di SGTK ta anunsiá. E bònt ta asepta ku e trahadónan ta protestá ‘pasifikamente’ durante e tempu pa deliberá.