WILLEMSTAD – Duana di Kòrsou riba 18 di mei a kuminsá usa un skèner nobo pa container. Ku e mashin nobo aki awor duana tin dos aparato di skèn. A kumpra e promé skèner mobil pa container na 2007.

Segun direktor Julian Lopez Ramirez di Duana e skèner di container nobo ta mas modèrnu i tin mas posibilidat pa kontrolá importashon i tránsito di artíkulo mas mihó. Awor e kòntròl ta mas intensivo i por sosodé mas lihé. Duana a pasa pa un sistema outomatisá i e skèner nobo ta parti di esaki.