Na Sint Maarten fin di aña lo bolbe investigá salubridat públiko i kuido di salú riba e isla. Minister di Salubridat  Públiko Cornelius de Weever ke un idea mas kompleto posibel di sektor di salubridat na Sint Maarten.

Na 1999 tambe un investigashon di salubridat a tuma lugá. E tempu ei Saba i Sint Eustatius tambe a partisipá. Minister De Weever awó a anunsiá e investigashon ku ta sigui esun anterior. Minister mester firma un plan di rekomendashon promé si, pa asina por kuminsá un kontratashon públiko.

No ta konosí ainda kon largu e di dos investigashon ‘How Healthy is Sint Maarten’ lo bai dura. E promé un a kuminsá na 1999 i a dura te 2001.