WILLEMSTAD – Promé minister Schotte no tin nodi di retirá su karta di 23 di mart na Staten tokante e previshon di informashon di ministernan tokante nv di gobièrnu. A rechasá un moshon pa retiru di e karta aki djarason merdia 2 di mei den Staten.
Den e karta en kestion promé minister a bisa ku direktornan, direktivanan i Konsehonan di Komisario di nv di gobièrnu no por duna informashon direktamente mas na Staten. El a mustra riba artíkulo 28 di reglamentu di Staten ku ta bisa ku ‘minister debe Staten hustifikashon’.
Motibu pa e diskushon tokante esaki tabata e desakuerdo entre minister di Salubridat Jacintha Scoop-Constancia i presidente di State Ivar Asjes. Djaluna 2 di aprel Constancia a sali for di reunion, insultá pasobra presidente di Staten a ninga di dun’é palabra. Asjes tabata ke informashon direkto di seguradó médiko SVB na luga di e minister responsabel pa e instansha. Segun Constancia e manera di traha aki no ta normal. Asjes di su banda a mustra riba e reglamentu di Staten ku ta bisa ku Staten por yama tur instansha bin duna kuenta sin pidi minister pèrmit.
Anteriormente kaba presidente di Staten tabatin un diskushon tokante esaki ku promé minister Schotte. Esaki a ninga di laga Konseho di Komisario di Aqualèctra duna informashon.
A rechasá e moshon ku e partido PNP i PAR a entregá ku 9 voto pro i 11 voto kontra.
Email this Bulletin
Printer-friendly version
