Tur matutino ta yen di análisis tokante di e futuro di Gresia. Na yüni pueblo tin ku bai urna atrobe. Nan lo vota pa un sali for di Union Oropeo of nan ta bai di akuerdo ku medidanan di ousteridat. Segun de Volkskrant Gresia ta aseptá su bankarota si e sali for di Union Oropeo. Un moneda nobo, Grexit, lo sòru pa regreso di e moneda drachme. E moneda su balor lo baha si ku 50 of 70 porshento. Pero keda den Union Oropeo tambe ta karu pa e Gresia. Pero segun De Volkskrant e úniko manera pa evitá un bankarota.

A reuní henter dia ayera na Den Haag pa kompletá e akuerdo di ekonomisashon. Segun De Telegraaf e plannan di e polítikonan ta un 'sota pa e konsumidó'. Hulanda tambe tin ku kumpli ku e regla di 3 porshento ku Union Oropeo a instituí i mester ekonómisa. Un kas di famia lo tin 6 porshento di entrada menos pa gasta, segun e korant. Esei tin di haber ku prinsipalmente kitamentu di e kompensashon di kantidat di kilometer ku ta kore pa yega trabou. Segun e korant esei ta pone entrada baha ku 2 porshento.

Preguntanan ku ta disparse, e echo ku no por drenta den sistema di kompüter, kompüternan ku ta paga. Eksamen digital ta pega, asina ta pará den Algemeen Dagblad. Tantu skolnan komo organisashon di alumno LAKS ta rabia. Direktor Schoter, di Scholengemeenschap Haarlem ta di opinion ku e skolnan no ta kla ahinda pa èksamennan digital. "Aña pasa kaba ta'tin hopi krítika riba e sistema i e aña aki tambe. Nos por konkluí ku ahinda no ta kla pa hasi uzo di èksamen digital"

Organisashon di alumnonan LAKS, ta di akuerdo ku e rèktòr. Ministerio di Enseñansa ta mustra dede riba e skolnan. Nan ta responsabel pa tene èksamen. "Si ta asina e sistema di ICT no ta bon, e ora ei nan ta responsabel pa ofresé e alumno un prueba eskrito di manera ku tòg e ta pasa su èksamen. Asina por lesa den Algemeen Dagblad.

Djasabra awor ta dia di Revolushon di Kuminda. Koki estrea Jamie Oliver ta hasi un yamada na tur hende den Metro pa partisipá. E dia ei kome salú i kuminda trahá ku produktonan puru ta pará sentral. Pues tin ku kushiná dushi preferibel ku produktonan lokal. E koki no ta bisa ku djasabra awor no tin mag di kome hamburger of pizza pero ku nos no tin ku kome kosnan ku no ta bon pa nos kurpa. Ta tempu pa bira konsiente di loke ta manda na boka. Si bo kome algu, e ta bira parti di bo mes i esaki ta influensia bo sistema.

Pronto Senado lo tuma nan desishon si ta bin un Kuerpo Polisial nashonal na Hulanda. I komo avanse De Volkskrant ta bini ku un dikshonario pa e agente polisial nashonal nobo. E diferensia entre kuerpo polisialnan den diferente regionnan na Hulanda ta grandi. Un polis na parti ost di Hulanda ta yama un kolega agente den su outo privá, 'blinde auto', esta 'un outo siegu'. Pero na parti wèst, un 'blinde auto', ta nifiká un outo blinda. I si un agente polisial puntra pa 'clubhuis', nan ta puntra unda e warda di polis ta.

Ruud van Marwijk, coach di selekshon hulandes di futbòl, a baha kantidat di hungadó den su ekipo. Awor e ekipo ta konsistí di 27 hungadó. Esei por lesa awe den Algemeen Dagblad. Djamars anochi Van Marwijk a partisipá ku ken e ta bai e kampo di preparashon na Suisa. Hungadónan Maduro, Emanuelson i Wijnaldum tabata den e pre-elekshon pero nan lo keda kas. Pero entre otro: Wilfred Bouma, Gregory van der Wiel, Jetro Willems, Vurnon Anita i Nigel de Jong ta parti di e selekshon ku lo trein na Suisa.