E pelíkula 'Curaçao' di Sander Snoep i Sarah Vos a gana premio di resensia i krítika sinematográfiko ulandes. Esaki a tuma lugá 30 di sèptèmber na okashon di entrega di Bisé di Oro, ku ta e premio sinematográfiko mas prestigioso na Hulanda.

E pelíkula ku a lanta masha konmoshon na Kòrsou, ta trata e sirkuitonan separá di ulandesnan oropeo i yu
di Kòrsou na e isla outónomo di Reinu. 'Curaçao' a estrená novèmber di 2010 na Hulanda durante e festival di dokumental IDFA. Prinsipio dje aña akí salanan tabata yen na Kòrsou na okashon di estreno dje pelíkula.

Ku entrega dje premio pa e pelíkula Curaçao, a klousurá Nederlands Film Festival na Utrecht.