WILLEMSTAD – Mañan anochi minister plenipotensiario Sheldry Osepa lo partisipá na apertura di Weganan Olímpiko na nòmber di promé minister Schotte, asina el a skibi ayera riba Facebook.

Djamars 24 di yüli Schotte a risibí un invitashon di embahada britániko na Hulanda pero el a laga sa ku e no ta bai Londen pasobra, segun su bosero Ramsay Soemanta, e tin ‘otro prioridat’.

Osepa lo enkurashá e deportistanan kurasoleño durante e Weganan Olímpiko ku ta tuma lugá di 27 di yüli te 12 di ougùstùs. Mañan e tin un sita ku Brian Mariano ku ta forma parti di e tim di èstafèt maskulino di Hulanda.