WILLEMSTAD – Servisio General di Informashon i Seguridat di Hulanda (AIVD) te awó no por a konstatá ku Servisio di Seguridat di Kòrsou (VDC) of gobièrnu di Kòrsou a lèk informashon sekreto di Hulanda. Asina Minister Spies di relashonnan den Reino a bisa den un debate den parlamento hulandes, segun un notisia den Novum Nieuws di djarason 4 di yüli.

Ku e konklushon aki Spies ta reakshoná riba pregunta den parlamento ku SP i PVV a hasi na mart despues di notisia den media kurasoleño. Eiden a bisa ku gobièrnu di Kòrsou a lèk informashon na servisionan di seguridat kolombiano i persona. Djei AVD a start un investigashon di e posibel lèkmentu di Servisio di Seguridat di Kòrsou. Segun Spies e investigashon no a saka prueba ainda.

Segun parlamentario di SP Ronald van Raak mester tuma medida mas severo si tòg haña prueba. “Si Schotte a laga informashon sekreto disparsé òf si el a hòrt’é, nos no por sigui koperá. E ora ei nos ta para relashonnan ku su gobièrnu.” Spies a haña ku van Raak ‘a bini ku hopi spekulashon’. “E echonan ta manera mi a bisa kaba, no tin sentido pa kuminsá imaginá tur sorto di senario.” E investagashon di e lèkmentu ta kore ainda.