DEN HAAG – Definitivamente no ta bini un previshon legal ku ta hasi posibel pa pasa èksamen estatal hulandes na Kòrsou. Vespucci College riba e isla a pidi esaki.

Minister di Enseñansa hulandes di Edukashon Kultura i Siensia, Marja van Bijsterveldt-Vliegenthart, ta bisa ku e no ta bai mete ku skol na Kòrsou. “Vespucci College ta un skol privá (sin finansa di gobièrnu) i e skol mes ta disidí su derecho di eksistensia.” Minister ta bisa esaki den un kontesta riba preguntanan di parlamento.

E eksepshon ku lei ta duna alktualmente ta pa pasa e èksamen estatal na Boneiru. Segun minister esaki ta sufisiente fasil pa akomodá e alumnonan. “Esaki no por ta un motibu pa mayornan for di awó legumai e skol.”

Anteriormente Raad van State a husga ku un previshon legal speshal ta bai muchu leu pa un grupo relativamente chikí. “Boneiru ta un posibilidat práktiko pa akomodá esaki”, segun e minister.

Minister ta bisa ku na Korsou ta ofresé  enseñansa hulandes otro kaminda ku no ta na Vespucci College tambe. “Diploma di einan  ta ofresé mesun posibilidat pa sigui pa enseñansa mas avansá ku diploma hulandes.”