WILLEMSTAD - Elmer Wilsoe, minister di Hustisia di Kòrsou, ta keda para riba su desishon pa manda karta pa gobièrnu merikano. Den e karta el a pidi pa kita beslag riba saldonan di rifero Robbie dos Santos. E bendedó di number ta sospechoso prínisipal den e investigashon tokante labamentu di plaka.

Tambe e ta spònser prínsipal di partido MFK, di promé minister Gerrit Schotte. Liesbeth Spies, minister demishonario enkargá ku relashonnan den reino a hasi gobièrnu di Kòrsou algun pregunta riba enkuantu e karta di Wilsoe. E minister di Hustisia a bisa ku e kera evitá ku den futuro Dos Santos por demanda pais Kòrsou. Motibu ta e echo ku e hues na Kòrsou a kita e ponementu di beslag kaba. Den su funshon komo minister di Hustisia e ta kualifiká pa manda un karta, asina Wilsoe a enfatisá.