Bon Dia, partner di RNW

Notisia den kolaborashon ku nos partner na Aruba.

ORANJESTAD – Aruba ta atraé mas i mas turismo di kalidat. Esaki Minister Otmar Oduber (Turismo) ta bisa segun Bon Dia Aruba, a base di dos kriterio: Average Daily Room Rate(ADR, òf mihó bisa e preis promedio di un kamber di hotel) i Revenue per Available Room (RevPar, esta entrada pa kamber).

[media:factfile1]Mas haltu ADR i Revpar, mas plaka e turismo ta generá. Esaki ta pas den e strategia rubiano di no traha más kamber di hotel ainda pero pa gana mas plaka na kada kamber eksistente. Pa perkurá pa atrakshon turístiko úniko, e pais ta konvensé turista pa paga mas pa nan estadia. E idea ta ku un turista asina pafó di hotel tambe lo saka mas plaka.

Vishon
Un komparashon entre 2099 i 2011 ta mustra ku ADR a subi di 313 pa 350 florin: un oumento di un promedio di 11.8 porshento. Revpar den e mes temporada a subi ku 13.4 porshento, di 231 pa 262 florin. Den e desaroyo aki Oduber ta mira un konfirmashon ku e vishon di gabinete ta bon. “Huntu ku tur partner nos ta logra pa atraé mas turista pa Aruba ku ademas ta laga mas plaka atras.”