WILLEMSTAD - Djabièrnè 1 di yüni 2012, alrededor di 4.05’or di mardugá, Sentral di Polis a dirigí un patruya na e sentro di dibertishon na Seru Fortunaweg (Campo Alegre) pa un kaso di ladronisia ku violensha.

E patruya ku a yega na e sitio a topa ku e víktima, un dama estranhero ku traha den e sentro, kende a deklará na polis ku un ratu promé el a drenta kamber ku un kliente maskulino i na momentu ku el a bisé ku e mester paga promé, e hòmber a wak un chèns ranka su blackberry for di su man, dal e un moketa den su pechu, pa despues kore sali for di e kamber i hui bai for di sentro.