WILLEMSTAD – Djaweps 3 di mei lo presentá den Staten e medidanan ku Konseho di Minister ke tuma pa haña konfiansa den Servisio di Seguridat di Kòrsou (VDC) bèk.

Motibu di e presentashon di awe ta ku konfiansa den e servisio a baha for di tempu ku a lèk informashon sensitivo algun luna pasá. Siman pasa e Komishon di Supervishon a deklará ku no a duna informashon na Servisio di seguridat kolombiano DIPOL. Pa e investigashon e komishon no a papia ku e trahadó den ICT ku a keha seka ombudsman. Den un reportahe di e kombersashon ku ombudsman por lesa kon a fòrsa e trahadó pa duna DIPOL informashon.

E komishon ta bisa ku nan no a papia ku e trahadó pasobra nan no por a kumpli ku su eksigenshanan pa e kombersashon.