ORANJESTAD – Kadaster di Sint Eustatius i Saba por lo pronto lo keda na Sint Maarten. For di e kambio estatal di 10 di òktober 2010 responsabilidat pa kadaster ta kai bou di e ministerio hulandes di Infrastruktura i Medio Ambiente.

Pero e kuadro hurídiko no ta kla ainda pa kadaster muda. Diputado Glenville Schmidt na Sint Eustatius tabatin kontakto ku ministerio pa hasi un mudansa posibel. Banda di e kuadro hurídiko mester kumpra un lokashon ku ta kuadra ku e eksigensianan.

Tanten ku tur dos previshon no ta regla kadaster di Sint Maarten lo keda ofresé su servisionan na Saba i Sint Eustatius.