SAN SALVADOR/WILLEMSTAD – Kòrsou ta traha bon den e lucha kontra labamentu di plaka i finansamentu di aktividat terorístiko. E konklushon aki ta di Caribean Financial Action Task Force (CFATF) ku a sali dkaweps 24 di mei na El Salvador.

E delegashon kurasoleño a logra konvensé e reunion plenar di 28 miembro karibense i latinomerikano di CFATF ku lokalmente tin sufisiente mekanismo efektivo pa detektá i blòkia koriente di plaka kriminal. Ke men Kòrsou ta sigui e kuarenta recomendashonnan kontra labamentu di plaka i e nuebe direktivanan kontra finansamento di terorismo bon.

E resultado aki ta faborabel pa e sektor kurasoleño di servisio finansiero internashonal. Invershonista di buena fe awor lo sigui konfia e sektor ku nan nesesidatnan fiskal i finansiero. Tambe pa bon laso ku Estádos Unídos ta di gran importansha ku un pais ta kombatí asuntunan monetario kriminal internashonalmente organisá na un manera serio.