WILLEMSTAD - E díanan aki Kòrsou ta anfitrión di tres komishon di Parlamento Latinoamerikano (Parlatino) ku ta reuniendo riba nos isla. E konferensia ta tumando lugá na Hotel Renaissance i ta terminá djabièrnè awor ku un aktividat kultural riba Mathey Werf

E tres komishonnan ku ta reuniendo na Korsou ta: Komishon di Asuntunan di Energia i Minas; Komishon di Asuntunan Ekonómiko, Debe Sosial i Desaroyo Regional; Komishon di Derechonan Humano, Hustisia i Polítika di Enkarselamentu. Delegadonan for di tur e 23 paisnan miembro di Parlatino a keda invitá pa asisti na e reunionnan aki.

Delegashon di Kòrsou
E miembronan di Parlamento di Kòrsou ku ta forma parti di e diferente komishonnan di Parlatino ta: Helmin Wiels, Glenn Sulvaran, Dean Rozier, Humphrey Davelaar, Jaime Cordoba i Amerigo Thodé. Promé Minister Gerrit Schotte ta duna un presentashon enkuanto e vishon di Gobièrnu pa ku aplikashon di energia renobabel.

Komo parti di e programa lo laga e bishitantenan wak di aserka proyektonan ku tin di haber ku energia renobabel i e polítika di enkarselamentu.

Inougurashon ofisial tabata a na enkargo di Ivar Asjes, presidente di Parlamentu di Kòrsou, sigui pa palabranan di bonbini di Elias Castillo, presidente di Parlatino i Daisy Tourne, sekretaria di Komishonnan di Parlatino.