WILLEMSTAD – Outomobilista na Kòrsou for di djaweps 2 di febrüari tin chèns di haña but si nan no a paga belasten di vehíkulo di motor.

Polis, SKS i Servisio pa Transporte Públiko ta kontrolá kantu di kaminda públiko si e promé mitar di belasten di 2012 ta pagá kaba. E di dos término mester paga pa mas tardá 30 di yüni.

Si ora di kòntròl e belasten no ta pagá, Ministerio Públiko lo proponé un suma di transakshon di 150 florin. Si no paga esaki den e seshon di korte lo subié pa 225 florin. Despues esnan ku ainda no paga ta kore riesgo di sinta kuater dia den detenshon.