Insel Air a mustra su promé avion Fokker-50 djadumingu 5 di yüni na Aeroclub Curaçao na Hato. Na e pintura riba e avion por a mira ku e avion ta di e establesimentu na Aruba. Segun plan, Insel Air Aruba lo mester disponé di kuater Fokker-50 den korto tempu.

Aktualmente ta formando e gerensia. Un di e promé tareanan lo ta pa atkirí un Air Operator Certificat (AOC) serka outoridatnan arubano. Manera Insel Air Aruba tin e pèrmit pa bula akí, lo publiká aviso pa funshonnan manera di piloto, tékniko, personal di kabina, trahadonan atministrativo i otronan.

E rekrutashon lo tuma lugá na primeramente Aruba, Boneiru, Kòrsou i Colombia. Insel Air Aruba tin intenshon di sirbi sobre todo e liñanan entre e islana Aruba, Boneiru i Kòrsou.