KRALENDIJK – Kompania i doño di un di dos kas na Boneiru, Sint Eustatius i Saba pronto por spera un investigashon di taksashon pa nan impuesto di propiedat imóbil. Servisio di impuesto lo manda e papel di belasten e zomer aki.

Esaki sekretario di estado di Finansa, Frans Weekers, a bisa djaluna pasá den e reunion di e komishon parlamentario fiho di Relashonnan den Reino. E medida ta toka espesialmente kompania i strañero ku un kas di vakashon riba e isla.

Tempu mas largu
E lei di impuesto di propiedat imóbil tabata vigente kaba for di promé di yanüari 2011, pero ta awó numa ta bai kobra. Esaki ta konsekuensha di e tempu mas largu ku belasten karibense tabatin mester, pa determiná balor di propiedat imóbil riba e isla.

E impuesto nobo ta remplasá e belasten di ganashi bieu ku tabata na vigor ainda bou di e sistema anterior di belasten antiano. Doño di un kas so no ta paga impuesto di propiedat imóbil, segun Weekers. E di dos kas ku un balor riba 50.000 dòler sí ta kai bou di e medida nobo.