WILLEMSTAD – Ben Droste, direktor di Space Exhibition Curaçao (SXC), ta bai rifa un karchi pa un biahe den espasio bou di turista ku bishitá Kòrsou.

Minister Hakim di Desaroyo Ekonómiko a pidi SXC pa organisá un eksposishon di espasio permanente na Willemstad ku un modelo di e space shuttle ku lo bai usa for di 2014 pa hiba pasahero den espasio for di Hato. Tur dos inisiativa mester lanta interes internashonal pa biahe den espasio for di Korsou.

Si tur kos bai segun plan otro aña lo ehekutá e promé tèstnan di buelonan pa espasio: e promé biahe den espasio komsersial ta riba agenda kaba pa kuminsamentu di 2014.

Fin di mart di e aña aki SXC ke organisá un Dia Habrí kaminda lo presentá e plannan na públiko lokal. Esaki lo mester atraé 10 mil bishitante.