DEN HAAG (ANP) – Lo subi edat di AOV na Boneiru, Sint Eustatius i Saba tambe. Den e munispionan ekstraordinario aki esaki lo no sosodé mes rápido ku na Hulanda. Aktualmente ainda AOV ta drenta na vigor ora un hende kumpli 60 aña. Na aña 2015 lo subi edat di AOV ku un promé paso  bai 62 aña, pa na 2021 yega na 65 aña.

Esaki a sali for di un karta di minister Henk Kamp (Asuntunan Sosial, Hulanda) na parlamentu di Hulanda. Kamp ta hopi okupá aktualmente ku elaborashon di e akuerdo di penshun ku doñonan di trabou i sindikatonan, kaminda a palabrá ku na 2020 lo subi edat di AOW di 65 pa 66. Un bosero di e minister djamars 24 di yanüari a bisa ku no tin plan pa na Hulanda karibense tambe subi edat di penshun pa 66 aña.

Palabrashonnan tokante subida di edat di AOV na Boneiru, Sint Eustatius i Saba ta trabou di Kamps su predesesor Piet Hein Donner na 2009, ku bista riba e statùs nobo di e asina yamá Islanan BES komo munisipio ekstraordinario. E aktual minister di Asuntunan Sosial meskos ku e gabinete anterior ta haña ku ta bon pa tuma un temporada di sosiegu despues di tur kambio pa motibu di e statùs nobo.