WILLEMSTAD - Algun hóben den e Instituto Penal Hulanda karibense (JICN)na Boneiru fin di yanüari pa motibu di malkontentu a destrui diferente parti di e edifisio.

Aktualmente tin shete hoben den e departamento hubenil di JICN. E departamento tin espasio pa 15 persona ku por keda den sinku sèl pa mas persona. Maneho di e prizòn a disidí pa adaptá dos di e selnan aki pa detenido femenino. E hobennan no tabata di akuerdo.

Dia 31 di yanüari nan a ninga di bai nan sèl bek i nan a destrui mueble. Polis i e tim di asistensia interno a trese e situashon bou di kòntròl. A tuma medida disiplinario kontra nan i nan mester paga e daño bèk.