WILLEMSTAD - Alexander Chirino di Marnix-school ta e mihó lesadó di buki na papiamentu den enseñansa di fundeshi na Kòrsou pa aña 2012. Djasabra 26 di mei 2012 hurado a disidí asina durante e di djeskuater edishon di 'Lesa pa otro skucha'.

Chirino tabata e úniko mucha hòmber den e total di dies finalista pa e dos idiomanan hulandes i papiamentu.

Sentro pa Guia Edukashonal ta promové lesamentu bou di hubentut ku e kompetensia anual akí. Na hulandes Crystally Cijntje di Sint Margaretha College a sali e ganadó.