KRALENDIJK - Gobièrnu di Boneiru a laga pone un brivenbùs spesial pa hende ku ta move den ròlstul. Ta hende ku mester entregá karta na gobièrnu i ku no por subi trapi pa hasi'é.

E intenshon ta pa pone buzón di karta na mas servisio di gobièrnu, pa aliviá usuario di ròlstul, ku tin ku entregá kualke petishon pa medio di karta na gobièrnu di Boneiru.

Fotonan ta mustra kon e promé suidadanonan, ku ta move den ròlstul, ta hasi uso di e brivenbùs resien poné na entrada di ofisina prinsipal di gobernashon di Boneiru, depositando nan karta huntu ku diputado di asuntunan sosial i bienestar señora Silvana Serfilia. Por mira tambe e persona ku ta yuda i a boga pa bin ku fasilidatnan di brivenbùs, pa hasi nan bida mas fásil momentu ku nan tin ku hasi kualke petishon pa medio di karta na gobièrnu di Boneiru i su respektivo servisionan.