KRALENDIJK – Despues di trinta aña Boneiru tin un Reina di Tumba atrobe. Joulaika Silberie-Molina a gana festival di tumba ku su tumba ‘Fangue’,  huntu ku e banda ESO.

Silberie-Molina ta e di dos Reina di Tumba den historia di karnaval di Boneiru. Trinta aña pasá Carmen Goeloe a gana e título aki. El a koroná Silberie-Molina djabièrnè pasá. Letra di ‘Fangue’ ta di Angelo Albertus, ku a sali komo mihó kompositor. Giovanny Mercera a bira mihó areglista.

Komo number dos a sali Dayron Coffie i di tres finalista tabata Etienne Coffie.