WILLEMSTAD – Tripulashon di e barku di marina HR.Ms. Amsterdam djabièrnè 20 di aprel a entregá 3 pèlet ku huguete seka Maria Corstjens, mihó konosí na Kòrsou komo ‘Tante Mia’.

E tripulashon di e barku Amsterdam i nan famia i konosínan a kolektá e ko’i hunganan. ‘Tante Mia’ tin mas ku 58 aña ta sirbi komunidat di Kòrsou. Tur dia ta entregá monton di artíkulo na su kas pa despues ofresé nan na trahadó sosial, misa i otro agrupashon sosial. Pa su trabou ‘Tante Mia’ a risibi dos kondekorashon real kaba.

Tripulante luitenant-ter-zee Pieter Früsch a bin trese e ko’i hunganan: ”Tante Mia tabata mashá entusiasmá. E tabata espesialmente kontentu ku e bestianan di felpa ku nan por usa masha bon na un kas pa hende demènt.