WILLEMSTAD – Entrante promé di yüni 2012 Aqualectra ta adaptá tarifanan di uso di koriente i awa. Preis di awa ta baha ku 26 sèn pa mil liter, preis di koriente ta subi ku 8 sèn paKiloWattora.

Esaki promé ministerGerrit Schotte a laga sa durante e konferensha di prensa semanal di Konseho di Minister.

Den e tarifanan di Aqualecta lo inkorporá un klousula di kombustibel. Esaki segun promé minister no ta inkomun. Na Boneiru, Sint Maarten i Aruba tambe konsumidó mester paga un klousula di kombustibel riba nan kuenta mensual di koriente i awa.

Den fase
Lo introdusí tur dos e adaptashonnan di tarifa den fase. Un parti na yüni i un parti na yüli. A resultá di ta nesesario pa adaptá tarifanan pasobra entrante 5 di yüli e supsidio di kombustibel regulá ku Curoil ta bende ku Aqualectra, ta kaduká. For di 5 di yüli preisnan regulá di kombustibel ta sigui desaroyo riba merkado internashonal.

Posibel bahamentu
Promé minister Schotte den e lunanan ku ta bini ta ferwagt ku posibelmente preis di koriente lo baha ora kuminsá usa e dos parkenan di bientu na Tera Kòrá i Playa Canoa, i ora BOO oumentá entrega di koriente na Aqualectra na un preis faborabel, segun e promé minister.