SIMPSON BAY – Biahero ku yega aeropuero di Sint Maarten dia di San Valentin, lo haña un bonbiní ku tapeit kòra.

E espasio di ‘meet & greet’ di aeropuerto Prensès Juliana riba 14 di februari lo ta kompletamente den ambiente di Valentin. Banda di adòrno e konosido Sopranos Piano Bar lo toka muzik di piano. Pasahero por hasi nan petishon i laga tok’é. Un tipo di aktividat komparabel aña pasá tabatin hopi éksito na aeropuerto Schiphol na Amsterdam.

Segun direktor di e aeropuerto, Regina Labega, dia di San Valentin ta un fiesta internashonal i aeropuerto di Sint Maarten no ke laga e dia pasa sin hasi nada. “Segun mi riba dia di San Valentin ‘love is in the air’na aeropuerto Prensès Juliana na Sint Maarten”,  segun Labega.