DEN HAAG - Tradishonalmente e diskurso anual di Lareina, mió konosí komo Troonrede, ta kontené un párafo breve tokante e partinan karibense di Reino ulandes. Mayoria biá Lareina ta bisa algo di tópikonan, ku gobièrnu ke duna atenshon den e aña benidero. E aña akí Reina Beatrix a limitá su mes na ún frase.

"Un apelashon pa konhuntamente aportá na un komunidat fuerte i un ekonomia mas sólido den e tempu difísil akí, esaki den e mió tradishonnan di nos pais. Ademas nos ta konsiente di e laso estrecho ku e otro paisnan di reino i ku e islanan karibense, ku ta forma parti di nos konstelashon estatal for di aña pasá."

Tabata falta un partisipashon di kontenido riba puntonan di atenshon. Gabinete no a laga e monarka bisa nada tampoko di próksimo bishita di su mahestat, reina Beatrix na e islanan, ku ta planiá pa òktober.