Minister Elmer 'Kadè' Wilsoe di hustisia a entrega un petishon ofishal na outoridatnan merikano pa kita e beslag ku tabatin riba kuentanan di banko di bendedó di number Robbie Dos Santos na Estados Unidos. Den Antilliaans Dagblad di djasabra último Wilsoe a desmentí ku el a intervení den e kaso aki.
E doño di Robbie's Lotery ta involukrá den un investigashon penal, yamá Bientu ku ta dura ya kaba tres aña. Hustisia di Kòrsou ta akusé di labamentu di plaka, froude ku plaka di belastén i falsifikashon di dokumentu. Riba petishon di hustisia outoridatnan merikano a vris un suma di 46,7 mion di dòler na dos kompania di Dos Santos.
No ta mi tarea
"Mi no por intervení i no ta mi tarea tampoko", asina Wilsoe a deklará'. Awor ta resulta ku e karta dirihí na abogado general di ministerio di Hustisia na Washington i minister di asuntunan eksterior Hillary Clinton ta eksistí di bèrdè.
E karta ku a bai pa diferente medio di komunikashon ta demonstrá ku minister Wilsoe no a papia bèrdat i e ta kontené un petishon ofishal kemen un intervenshon personal di minister den e kaso andando yamá Bientu.
Petishon no ta kuadrá ku outoridat di minister
Segun ekspertonan un minister no por mete su mes ku un kaso ku ta den man di hustisia i sigur no ora e kaso a bai korte. Un petishon manera Wilsoe a hasi no ta kuadrá ku e outoridat di un minister di hustisia. Un petishon pa ayudo di koperashon riba tereno di hustisia ta reservá pa prokurador general di Ministerio Públiko.
----------------
Email this Article
Printer-friendly version
E di tantispmon mentira di e gobiernu aki .Nan ta hanja asina tantu te ku nan mes a kuminsa kere tur e mentiranan .E gobiernu aki ta konsisti di mentiroso mafioso korupto ga zo maar door .
Post new comment