Votadó kurasoleño atrobe lo preferá e koalishon eksistente di MFK, PS, i MAN si tene elekshon aworaki. Mitar no sa ainda riba kua partido nan lo vota 19 di òktober.
MFK i PAR ta keda e partidonan di mas grandi, siguí pa PS i MAN. FOL i PNP lo no bolbe bèk den Staten. Esaki a sali for di un sondeo di opinion ku último dianan e ofisina Curconsult a tene pa Wereldomroep bou di 404 kurasoleño ku por vota.
Den e sondeo aki gobièrnu di Schotte ku a baha siman pasá ta haña 5.3 komo sifra di rapòrt. Ademas a sali den e resultadonan ku mitar di e votadónan no ta satisfecho ku e gabinete aki.
Hende muhé ta ménos satisfecho. Votadó di sesenta aña p’ariba ta deseá pa un gobièrnu di PAR i PNP bini bèk. Espesialmente votadó ku edukashon mediano òf haltu no ta satisfecho ku e gabinete saliente.
Den e sondeo e partidonan ku aktualmente ta representá den Staten ta haña e porsentahenan di voto manera ta pará aki bou. Ta trata di porsentahe di respondente ku a indiká un preferensha pa un partido. Mitar di e respondentenan no a indiká un preferensha pa un partido: nan ta e asina yamá ‘votado ku ta zuef’. Entre paréntesis tin e porsentahenan ku e partidonan a haña na elekshon di 2010.
MFK: 31 (21)
PAR: 28,5 (30)
PS: 19 (19)
MAN: 6 ( 9)
FOL: 3,5 ( 7)
PNP: 3,5 ( 6)
PAIS, ku no ta representá den Staten, ta haña 4 porshento di voto den e sondeo aki, sobrá partido ku no ta den Staten aktual huntu ta bon pa 4,5 porshento.
Tres kuart di e votadónan ke pa tene elekshon.
Konklushon
E votadó ta malkontentu ku loke gobièrnu aktual a presta, pero no ke pa oposishon di PAR i PNP bini na mando atrobe. E porsentahe di votadó pa MFK ta subi kompará ku e resultado di elekshon di 2010.
Mas ku mitar di e respondentenan ta warda wak i no sa ainda pa kua partido nan lo vota. For di e enkuesta a sali ademas ku ta prinsipalmente hòmber hóben ku edukashon mediano ta skohe pa partido ku último tempu tabata den koalishon
--------------------
Lesa aki resultado di e enkuesta
Email this Article
Printer-friendly version
Rina, kita caps please. Verder si 51% no a duna kiko nan lo vota, mi ta kere esei mester ta den e resultado, dus e mester ta MFK ong. 15%, PAR ong. 13% etc, i no sa ainda 51%. Pasobra e moda boso ta hasi aki ta duna un resultado masha stranjo.
AMI TA KERE KU MESTER LAGA E GOBIERNU AKI KABA E TRABOW, ANTO PUEBLO POR HUSGA SI ELA TRAHA BON OF MALU. PERO KIKO A PASA ? KU PROME KU E WEBU SALI FOR DI E GALIÑA, JA NAN TABATA BUSKE PA KIBRE. PARTIDONAN DEN OPOSISHON NO A LAGA E GOBIERNU GOBERNA. KONSTANT NAN TABATA PONE PIA PE. PESEY AMI KE E MES UN GOBIERNU ATROBE. PASOBRA PAR TA HUNDI SO E TA HUNDI KORSOW. MIRA ATACHO, MIRA HENSLEY TROMP, TE AWE NADA NO A WORDU HASI. ANTO NAN TA PAPIA DI INTEGRO.
AMI TA KERE KU MESTER LAGA E GOBIERNU AKI KABA E TRABOW, ANTO PUEBLO POR HUSGA SI ELA TRAHA BON OF MALU. PERO KIKO A PASA ? KU PROME KU E WEBU SALI FOR DI E GALIÑA, JA NAN TABATA BUSKE PA KIBRE. PARTIDONAN DEN OPOSISHON NO A LAGA E GOBIERNU GOBERNA. KONSTANT NAN TABATA PONE PIA PE. PESEY AMI KE E MES UN GOBIERNU ATROBE. PASOBRA PAR TA HUNDI SO E TA HUNDI KORSOW. MIRA ATACHO, MIRA HENSLEY TROMP, TE AWE NADA NO A WORDU HASI. ANTO NAN TA PAPIA DI INTEGRO.
Post new comment