Minister di Enseñansa van Bijsterveldt a primintí ku ta bai bin un solushon pa e eskases di dosente na Boneiru, Saba i Sint Eustatius. Tweede Kamer apapia awe djaluna atrobe tokante e maneho pa e partinan karibense di Hulanda.

E minister ta bai sòru pa mas dosente hulandes bai traha na e islanan. E ta atmití ku pa dosentenan na Hulanda no ta atraktivo pa bai traha na un di e islanan hulandes den Karibe. Ta pesei Van Bijsterveldt ta trahando riba un proposihon pa sostene dosente ku bai traha pa tres aña òf mas largu na un di e islanan BES.

Areglo
Van Bijsterveldt a tuma e promé pasonan kaba: "Mi a purba sera un bon kontrato kolektivo ku ta pone tur amtenar i dosente ta bai gana 3,25 porshento mas." Pero e diferenshanan entre Hulanda i BES ta keda grandi i e minister ta purba hasi algu riba e tereno aki tambe: "Mi ta purba bin ku un areglo ku por drecha kaba ku e puntonan di kritika mas pisa manera peshun, AOW, kompensashon pa personal ku ta bai traha den eksterior i un kompensashon pa gastunan di vivienda."
Van Bijsterveldt ta spera ku aki tres aña e por pone e medionan finansiero disponibel pa e areglonan mesnhoná.

Djaluna tambe e ministernan Leers di Imigrashon, Spies di Relasdhonnan den Reino, Opstelten di Seguridat i Hustisia i sekretario di estado Teeven a bin na palabra. E promé asina yamá dia di BES den Tweede Kamer tabata dia 30 di yanüari.