No ta tur ora ta husa konosementu di Antiano na momentu ku ke manda ekspertonan penitensiario for di Hulanda pa duna asistensha na prizon Bon Futuro. Konosementu di Antiano ta aportá mas na delegashonnan hulandes ku mester yuda maneho di Bon Futuro, segun Karel Martis, presidente di EGAD, abreviashon pa Expertise Groep Antilliaanse Detentiemedewerkers.

Un grupo di eksperto riba tereno di maneho di prizòn, e asina yamá 'Middenstanders', lo bai duna ayudo riba e parti di maneho na Bon futuro. Segun Karel Martis no a aserká ekspertonan antiano pa kompañá e delegashon.

Apesar ku Karel no ta kontentu ku e situashon manera kosnan ta bai awor, e ta keda positivo. Segun e minister di hustisia di Antia i e sindikatonan Abvo i STRAF ta hasiendo nan máksimo esfuerso pa den futuro sí aserká ekspertonan penitensiario antiano, na momentu ku tin ku manda asistensia for di Hulanda pa Kòrsou.

Skucha Karel Martis di EGAD den kòmbersashon ku Johan Oldenboom