Parlamento di Kòrsou a mustra su mihó banda. Esei ta e konklushon di e kuater organisashonnan ku ke un solushon pa polushon ku refineria Isla ta kousa. Djaweps e representantenan di bario i organisashonnan di medioambiente a haña un podio den parlamento i nan a gara e chèns ei ku tur dos man.

Tabata e di dos biaha e luna akí ku gruponan di interes a haña oportunidat pa aklará nan kaso den parlamento. Promé Frente Sivil i awor esnan ku ta akshoná kontra Isla. Segun Edgar Leito, presidente di Movemento Solushon Isla (MSI), ún di e oradornan djaweps, e miembronan di Parlamento despues di e presentashon bergonsoso kontra Derek Durgaram i Andre van Hoop di Frente Sivil a siña nan lès: “asina no ta trata wéspet.”

Pelíkula
Kasi tabata parse ku esei lo no a bai resultá asina, ora delegado Jaime Cordoba a entregá un proposishon pa por pasa un pelíkula na e bishitantenan i koleganan parlamentario. Ku e pelíkula akí den kua por mira Leito komo hefe di medioambiente na Isla, Cordoba a trata na ofendé Leito. E intento ei a faya. E pelíkula original di nuebe minüt  - di den añanan  nobenta-  a keda redusí te na dos minüt despues di intervenshon di Helmin Wiels, ko-partidario di Cordoba. 

Lider di partido Pueblo Soberano aparentemente lo a bini parlamento pa un meta kompletamente otro. El a alegá di ta di akuerdo ku e relato di Peter van Leeuwen di e fundashon Schoon Milieu op Curaçao (SMOC): PdVSA mester kumpli ku e pèrmit di molèster i gobièrnu mester aktua kontra polushon di refineria. Si na esei komo miembro di parlamento i partido di gobièrno e ta konektá direktamente konsekuensia i ta tuma akshon, e prinsipal di Pueblo Soberano a laga ainda komo algu ku lo mester keda pa sosodé ainda.

Ganashi
Pa Peter van Leeuwen tumamentu di akshon sí ta importante, pero e presidente di SMOC ta konformá por lo ménos ku e hecho ku miembronan di Parlamento awor a haña konosemento di e mensahe di SMOC. Esei ta loke ku gobièrnu mester mantené su mes n’e pues na interes di salú di habitantenan di Kòrsou: “Mi tin e impreshon ku e datonan ku mi a usa, apsolutamente no tabata konosí pa nan. I esei ta un gran ganashi: pa nan mira ku  mantené e normanan di medioambiente ta un deber pa ku pueblo.”

“E mensahe a yega bon”, di akuerdo ku Leito. E diferente kuentanan kontá pa e kuater gruponan di interes a duna Parlemento materia pa nan sigui pensa ariba. I nos ta bai kas ku e noshon ku tin por lo ménos ún frakshon ku ta bai hasi algu ku e informashon ku nos a laga atras.” I esei tambe ta ganashi segun Leito.