Ta kalkulá ku mas ku mil hende a akudí ayera, 7 di mei na Almere pa tuma despedida di defuntu Wilfrido Plantijn. Ku baile, kanto i diskurso na un seremonia emoshonal, a duna último tributo na e víktima di 71 aña di edat, ku a peresé den e tragedia na Apeldoorn. Entiero di 'Frido' lo tuma lugá na Kòrsou. 

Posada fúnebre di Monuta na Almere en realidat no ta ekipá pa tantu hende asina inkluso prensa. E empleadonan mester a kustumá di biá sí ku e estilo espontáneo di planifikashon, pero Sidney Stacie, presidente di grupo di baile Expreshon Kultural ta duna oportunidat trankilamente na un i tur, ku ke bisa algo mas.

"Semper el a bisa: si mi mester muri, no laga e hendenan bisti paña blanku ku pretu; laga nan bin ku alegria i hasi fiesta", asina Stacie a bisa. Pero awor ku kos a yega asina leu anto djun forma inesperá, tòg e ta duna dos sensashon pareu. "Ta un momento tristu, pero den nos kultura nos ta kòrda tambe n'un momentu asina riba e manera ku e tabata na bida. Si esaki tabata su deseo, anto e or'ei mester respet'é."

Algun integrante di Expreshon Kultural, ku no a bai Apeldoorn riba Dia di Larèina, a disidí di duna un último tributo apropiá ku un baile pa 'Frido'. Sharelda Pieternella, kompañero di baile di e defuntu, ta spera di por saka forsa pa e momento supremo. "Pero tòg atámi ta hari atrobe pasó ta un mazurka nos lo balia. Frido mes semper tabatin problema kune, e tabata kier a trein promé na mi kas. E no tabata dominá e téknika muchu bon."

"Semper el a bisa: si mi mester muri, no laga e hendenan bisti paña blanku ku pretu; laga nan bin ku alegria i hasi fiesta", asina Stacie a bisa. Pero awor ku kos a yega asina leu anto djun forma inesperá, tòg e ta duna dos sensashon pareu. "Ta un momento tristu, pero den nos kultura nos ta kòrda tambe n'un momentu asina riba e manera ku e tabata na bida. Si esaki tabata su deseo, anto e or'ei mester respet'é."

Algun integrante di Expreshon Kultural, ku no a bai Apeldoorn riba Dia di Larèina, a disidí di duna un último tributo apropiá ku un baile pa 'Frido'. Sharelda Pieternella, kompañero di baile di e defuntu, ta spera di por saka forsa pa e momento supremo. "Pero tòg atámi ta hari atrobe pasó ta un mazurka nos lo balia. Frido mes semper tabatin problema kune, e tabata kier a trein promé na mi kas. E no tabata dominá e téknika muchu bon."

Impakto enorme
Paul Comenencia, minister plenipotensiario di Antia ulandes tambe a hiba palabra durante e seremonia. Algun ora promé el a bishitá dos otro integrante gravemente eridá, ku ta interná na Zwolle. "Su grupo di baile ta un manifestashon determinante den komunidat antiano i Plantijn tabata un di e animadónan", asina ta impreshon di e minister. "Si un hende asina bai laga nos, e tin un impakto enorme, mas aún si tene na kuenta ku hopi di nos a mira e kos sosodé na televishon. E kos akí ta dalbu duru."

Paul Comenencia, minister plenipotensiario di Antia ulandes tambe a hiba palabra durante e seremonia. Algun ora promé el a bishitá dos otro integrante gravemente eridá, ku ta interná na Zwolle. "Su grupo di baile ta un manifestashon determinante den komunidat antiano i Plantijn tabata un di e animadónan", asina ta impreshon di e minister. "Si un hende asina bai laga nos, e tin un impakto enorme, mas aún si tene na kuenta ku hopi di nos a mira e kos sosodé na televishon. E kos akí ta dalbu duru."