Islariba ta preparando riba yegada dje tormenta tropikal Erika. E tormenta ta pasa parti sùit di Islariba. Sint Maarten, Saba i Statia a konsehá poblashon pa keda den kas pa prekoushon. Na Saba tur kantor i skol ta será. Na Sint Maarten bida públiko sí ta kontinuá, pero ei tambe skolnan ta será.
 
Sentro di Erika ta dia 3 di sèptèmber parti mainta (ora lokal) riba Guadaloupe. E tormentá lo okashoná partikularmente ráfaganan di bientu fuerte i yobida di awaseru pisá riba Islariba. Reindert Haarsma dje servisio meteorólogiko KNMI ta kere ku e tormenta lo pasa den transkurso di dia pa Puerto Riko.
 
Haarsma ta kere ku Islariba lo haña partikularmente molèster di bientu ku ta supla ku un intensidat di bientu 8 i ku lo por oumentá den forma di ráfaganan di bientu. Mas aleu e ta ferwagt un bon yobida di awaseru. E islanan lo tin mas o ménos un dia molèster di Erika. E ta haña ku ta bon ku e islanan a tuma medida di prekoushon: "Hopi biá no ta bientu ta sòru pa mas tantu daño, pero e awaseru ku ta okashoná por ehèmpel hopi lodo."